拜仁睇中耶辛尼保奴做救兵
2022/12/17
德國門將紐亞度假期間滑雪斷腳，提早收咧，佢效力嘅拜仁慕尼黑急住搵人頂檔，據報高層簡尼相當鍾意摩洛哥門神耶辛尼保奴，打算簽佢應付下半季賽事。
31歲嘅耶辛尼保奴今屆世盃演出神勇，16強互射12碼助摩洛哥淘汰西班牙，8強對葡萄牙更作出3次關鍵撲救，證明可以立足歐洲豪門，加上佢嘅國家隊隊友馬沙拉奧踢緊拜仁，耶辛尼保奴可以話係頂替紐亞最佳人選。
身價僅為1.25億港元
不過《每日郵報》報道，除咗拜仁，英超阿士東維拉同狼隊都想簽佢，但呢兩隊吸引力遠遠不及拜仁，報道指耶辛尼保奴同西維爾合約2025年到期，不過佢嘅身價只係1,500萬歐元（約1.25億港元）左右，對拜仁嚟講完全唔成問題。