祖利安艾華利斯（左）腳頭咁好，相信哥帥唔會放人。
曼城前鋒祖利安艾華利斯今場雖然冇上陣，但仍然創下紀錄；今季為曼城各項賽事上陣49場入17球，包括歐聯入3球及2次助攻嘅艾華利斯，成為史上首位單季捧走世盃及球會三冠王嘅球員，強如阿根廷同胞美斯都未曾做到，可以話人生大贏家。
翻查歷史，此前曾有11位球員單季贏得世盃及歐聯冠軍，包括碧根鮑華等8位前西德名將，其餘3人係法國球員卡林保、華拉尼、巴西左腳王卡路士，但呢11人都未試過單季贏世盃及球會三冠王，艾華利斯今次創出壯舉，成為史上第一人。
