曼城後備門將史葛卡臣（圓圖）成為史上第2位，代表兩間英超球會贏歐聯冠軍嘅球員，而佢喺呢兩屆歐聯合共只係踢過1場咁多。
18年前史葛卡臣因利物浦2號門將卻克蘭受傷，喺決賽出任杜迪克後備，見證利物浦上演伊斯坦布爾奇迹，當年佢喺8強都曾經為利物浦把關過1場，不過今屆佢就冇為曼城喺歐聯踢過1分鐘比賽，但一樣都有獎牌拎，成為史杜列治後（車路士、利物浦），史上第2個代表兩間英超球會贏歐聯冠軍嘅球員。
