大紅人艾簡治豪言要贏歐國盃
2023/06/19
今期瑞士陣中「大紅人」，當然要數中堅文路爾艾簡治，佢剛剛協助曼城做「3冠王」，仲想贏埋歐國盃咁話。
獲贈3冠特別版波衫
文路爾艾簡治上年由多蒙特轉投曼城，首季即擸晒英超、英足盃同歐聯冠軍。佢日前返瑞士國家隊，獲贈一件印上「3冠」圖案嘅瑞士波衫做紀念，表揚佢喺2023年所達成嘅偉大成就。瑞士上仗以2比1險勝安道爾，27歲嘅艾簡治踢足全場，狀態未有受連日慶祝狂歡影響，呢位中堅透露下個目標：「喺曼城贏晒所有冠軍，點解唔可以定更高目標？幫瑞士成為歐洲冠軍，有呢個目標係好合理。」