利物浦搵中堅目標馬克古希
2024/05/02
利物浦下季勢將重建，包括物色新中堅，頂替今夏約滿嘅祖爾麥迪比，最新目標係水晶宮23歲新星馬克古希（圖）。
馬克古希屬車路士青訓出身，但從未為「藍戰士」上過陣，之後外借到史雲斯，2021年以1,800萬鎊轉會費加盟水晶宮。過去3季英超，馬克古希上陣108場射入5球，佢曾經係英格蘭U17隊長，2022年首次入選大國腳，至今代表「三獅兵團」上陣9次。
水晶宮目標收番5.4億
馬克古希身價約為3,800萬歐元，佢同水晶宮仲有兩年約，之前有傳阿仙奴同曼聯都對佢有興趣，水晶宮梗係吊高嚟賣，只要有球隊出到5,500萬鎊（約5.4億港元），就願意放人。