豪門睇實葡軍22歲中堅
2024/06/04
葡萄牙喺卡塔爾世盃失望而回後， 新領隊馬天尼斯成功重振球隊，起用中堅干卡路恩拿斯奧被視為關鍵一着，呢位22歲士砵亭中堅已確定葡萄牙主力位置，更獲利物浦、紐卡素、曼聯等英超豪門垂青，前途無限。
恩拿斯奧攻守兼備
馬天尼斯經常切換3中堅同4中堅陣式，可以適應各種戰術嘅恩拿斯奧自然成為愛將，佢喺歐國盃外圍賽5次上陣，葡萄牙5場波未失1球，恩拿斯奧仲有能力交出2個入波同2次助攻嘅進攻數據，堪稱係全能中堅。
據報士砵亭已做好恩拿斯奧離隊準備，佢嘅合約內有6,000萬歐元買斷條款，急於求購中堅嘅利物浦被指喺爭奪戰處於領先位置，有望爭贏紐卡素同曼聯，不過消息指巴黎聖日耳門同皇家馬德里亦考慮加入戰團，恩拿斯奧轉去大球會只係時間問題。