紅魔傳奇射手丹尼士羅離世
2025/01/19
曾效力「曼市雙雄」曼城及曼聯嘅傳奇射手丹尼士羅逝世，享年84歲，繼佐治貝斯、卜比查爾頓之後，「曼聯三聖」已全部過身。
丹尼士羅屬於上世紀50至70年代超級神鋒，1960年以5.5萬鎊由哈特斯菲爾德加盟曼城，成為當時英國最高身價球員，1年後以11.5萬鎊轉投拖連奴，再次刷新英國球員轉會費紀錄。
隊史入波排第3
呢位射手1962年加盟曼聯後，為「紅魔鬼」上陣404場射入237球，隊史僅次於朗尼及卜比查爾頓，並協助曼聯兩奪聯賽冠軍，以及1968年稱霸歐聯，1964年更獲得金球獎，成為史上唯一獲此殊榮嘅蘇格蘭球員。雖然丹尼士羅喺1973年，球員生涯最後一季重投曼城，但無損佢喺曼聯嘅地位，佢逝世後「曼市雙雄」都有發文哀悼，丹尼士羅2021年確診早老性癡呆症，最終不敵病魔。