保羅普巴
前法國國腳保羅普巴18個月停賽禁令於周二解除，可以重返賽場，據報佢打算勸基沙文一齊出戰2026年世盃。
普巴效力祖雲達斯期間被捉到使用禁藥，原本佢被罰停賽4年，之後獲減刑至18個月，至今年3月10日結束。馬賽、國際邁亞密及日職球會成普巴下一站選擇。
據報31歲嘅保羅普巴希望加入一支有份參加今夏世冠盃球隊，最理想係留喺歐洲賽場，先有機會重返法國國家隊，趕及出席2026年世界盃，佢亦希望說服去年9月宣布退出國家隊嘅基沙文復出，同佢並肩作戰。
