華拿好腳頭「躺着」擸獎牌
2025/05/23
隨住熱刺奪得歐霸盃冠軍，隊內前鋒迪姆華拿輕鬆「躺着」獲得1項大賽冠軍，呢位29歲德國國腳冇份入選歐霸盃淘汰賽大軍名單，一樣有獎牌落袋，加上之前效力車路士期間捧過歐聯、歐超盃、世冠盃，集齊4大洲際錦標。
迪姆華拿喺歐霸盃「聯賽階段」曾經5度披甲，不過由於表現欠佳，淘汰賽階段被領隊普斯迪高路踢出大軍名單，但球隊奪冠，佢都有牌落袋。賽後華拿好自豪咁話：「正如我之前講過，我係嚟贏冠軍。」
集齊4大洲際錦標
事實上，華拿的確有「冠軍命」，2021至2022年初助車路士贏歐聯、歐超盃及世冠盃，重返RB萊比錫又奪得德國盃及德超盃，現時拎埋歐霸盃，熱刺應該考慮留住呢位「幸運童子」。