離開艦隊莫迪歷今晚告別巴拿貝
2025/05/24
39歲克羅地亞隊長莫迪歷周四喺個人社交平台宣布，今季結束後離開皇家馬德里，周六西甲對皇家蘇斯達成為佢喺巴拿貝球場嘅告別戰。（Now 632周六晚10時15分直播）
莫迪歷喺IG發文稱，話自己「時間到了」，2012年加盟至今早已視皇馬為家，貼文中附上多幅相片，由佢加盟第1日，到捧起歐聯獎盃，以及贏得金球獎，將整個「銀河艦隊」生涯，同大家一齊回味。
搵班落準備明年世盃
據報莫迪歷同皇馬合約至6月30日，喺巴拿貝踢完西甲主場告別戰後，「魔笛」仍會為皇馬出戰今夏喺美國舉行嘅世冠盃。由於莫迪歷並未宣布掛靴，可能佢會以自由身搵班落，準備明年北美世盃決賽周。
莫迪歷效力皇馬13個球季，共為球隊上陣590次貢獻43球及95次助攻，贏得28個冠軍，包括6奪歐聯、5次歐超盃及4次西甲等。