佐真奴助法林明高「升呢」
2025/06/13
由前馬德里體育會左後衞菲臘路爾斯執教嘅法林明高，6月初簽入阿仙奴中場佐真奴費路，立即令呢支巴甲球隊「大賽經驗值」大增，因為佐真奴費路曾經協助車路士捧歐聯、歐霸盃、「舊版」世冠盃等多項錦標，亦係意大利奪得2021年歐國盃冠軍主力，見慣大場面。法林明高有呢位33歲老將負責組織工作，其他隊友心理上都會比較淡定。
「老將組合」大賽經驗足
值得一提，法林明高今屆賽事同車路士同組，佐真奴費路正好可以為球隊提供情報，增加出線機會。除咗佐真奴費路之外，法林明高仲有另1位由歐洲回流嘅沙場老將丹尼路雷斯，呢位33歲後衞曾效力波圖、皇馬、曼城、祖雲達斯，佢今年1月加盟法林明高，呢對「老將組合」身經百戰，絕對唔嘢小。