超級電腦睇好大巴黎捧盃
2025/06/15
今屆「擴軍版」世冠盃多達32支球隊參加，權威統計機構OPTA利用超級電腦分析，預測冠軍誰屬，結果顯示歐聯王者巴黎聖日耳門（PSG）有18.5%機會捧盃，屬於各隊最高，曼城以17.8%排第2位，拜仁慕尼黑以12.8%排第3位。
數據分析歐洲隊天下
OPTA指超級電腦模擬今屆賽事進行10,000次比賽，以人工智能分析各項數據，計算各隊由打入16強至奪得冠軍嘅機會率，PSG取得16強席位機會為（91.6%），雖然唔及曼城（97.2%）、國際米蘭（94.7%)、皇馬(93.4%)、車路士（93.4%）、拜仁慕尼黑（93.3%）、多蒙特（92.7%），但其後晉級機會開始領先其他球隊，包括（49.2%）入4強，（30.9%）入決賽及（18.5%）機會捧盃，都係各隊當中最高，似乎會重演憑凌厲後勁奪得今屆歐聯冠軍嘅好戲。
值得一提，最大機會奪冠前11位球隊都來自歐洲，阿根廷球隊河床以0.3%排第12位，屬於非歐洲球隊之中最高，睇嚟今屆錦標基本上已成為歐洲兵團囊中物。