細干為留祖記唔要5500萬分紅
2025/07/18
根據意大利傳媒報道，祖雲達斯同意以3,000萬歐元（約2.73億港元）向波圖買斷翼鋒法蘭斯高干斯卡奧，今次交易成功關鍵在於呢位22歲葡萄牙國腳主動放棄600萬歐元（約5,500萬港元）轉會費分紅，促成波圖減價放人，可見干斯卡奧真心愛「祖記」。
法蘭斯高干斯卡奧係前AC米蘭教練沙治奧干斯卡奧嘅囝囝，佢上年8月被波圖外借去祖雲達斯，並有出色表現，上陣40場射入7球及4次助攻。根據合約，呢位「星二代」一旦永久轉會，可以從波圖手上獲得20%轉會費分紅，呢支葡超勁旅為彌補「損失」，一度要求4,000萬歐元以上轉會費，令「祖記」卻步。
令波圖減價促成交易
最終法蘭斯高干斯卡奧決定放棄分紅，促成波圖「收順啲」出售佢畀「祖記」，轉會費為3,000萬歐元，換言之「細干」今次「犧牲」600萬歐元收入。