「6條A」後最強　皇馬「MBJ」勢壟斷金球獎

【on.cc 東網 專訊】基利安麥巴比正式宣布將於今季結束後離隊，味意極大機會加盟皇馬，屆時呢支西甲冠軍將擁有球壇最強進攻組合「MBJ」麥巴比、祖迪比寧咸、雲尼斯奧斯祖利亞，被譽自20年前以施丹、朗拿度、碧咸為首「6條A」之後，皇馬最強陣容，有力壟斷未來數年金球獎。

球壇進入「後美C時代」，基利安麥巴比、祖迪比寧咸、艾寧夏蘭特被睇好最有能力成為球壇新一哥，尤其係麥巴比、祖迪比寧咸技術全面，往往可以憑一己之力改寫戰果，具備「新世代球王」特質。

與此同時，另1位皇馬球星雲尼斯奧斯祖利亞近年進步神速，近3季入波都超過20球，加上擅於個人突破，為隊友創造入球機會，佢對於皇馬嘅重要性，不亞於祖迪比寧咸，同時被視為有力問鼎金球獎人選。

事實上，基利安麥巴比、祖迪比寧咸、雲尼斯奧斯祖利亞已成為今年金球獎前3大熱門人選，基本上呢個榮譽已成皇馬囊中之物。意味一旦麥巴比下季加盟皇馬，3人既係隊友，亦係金球獎競爭對手。