曼聯進軍歐霸盃　車路士、紐卡素被踢走

【on.cc 東網 專訊】曼聯贏英足盃冠軍名利雙收，雖然佢哋今季英超排史上最低嘅第8位，但今次捧盃就令佢哋英足盃冠軍身份，獲得下季歐霸盃入場券，預計可以進帳約4,000萬歐元獎金。曼聯搶到歐洲賽資格，亦代表排第6嘅車路士只能出戰歐協聯，而第7位嘅紐卡素就緣盡下季歐洲賽。

英超下季有4個歐聯、2個歐霸同1個歐協聯、合共7個歐戰名額，第8位嘅曼聯如果捧唔盃英足盃，就會10年來首次冇份踢歐洲賽，不過「紅魔鬼」最終爭氣奪冠，《The Athletic》報道曼聯如果喺歐霸拎到好成績，有望得到約4,000萬歐元收入，雖然同歐聯冇得比，但對受財政條例限制嘅曼聯嚟講，仍然係救命獎金。

英超嘅歐洲賽資格塵埃落定，曼城、阿仙奴、利物浦同阿士東維拉會出戰歐聯，曼聯同熱刺就會出戰歐霸盃，車路士要踢歐協聯，而且仲要踢外圍賽附加賽，至於排英超第7位嘅紐卡素就無緣參加下季歐洲賽事。