摩洛哥西班牙喪攻玩「大」佢

【on.cc 東網 專訊】奧運男子足球4強開戰！今屆巴黎奧運非洲勢力抬頭，兩場4強戲碼同屬「歐洲Vs非洲」，打破之前5屆由拉丁美洲球隊壟斷金牌局面。其中今晚頭場由摩洛哥硬撼金牌熱門西班牙，尾場就輪到東道主法國登場，迎戰神奇球隊埃及。4強大戰由摩洛哥男奧足打頭陣，硬撼西班牙男奧足。摩洛哥今屆遇強愈強，有能力同信心與「小狂牛」合演進攻大戰，2.5球嘅大盤放心捧。（HOY TV 76台周二凌晨零時直播）

摩洛哥男奧足今屆表現突出，高壓緊逼戰術同凌厲反擊愈踢愈順，喺經驗豐富嘅阿舒拉夫、蘇菲安拉希美等超齡國腳帶領下，呢支非洲雄師第一仗就擊敗阿根廷男奧足，8強對美國男奧足更大炒4比0，今屆4場比賽攻入10球，總入球全開3球或以上。

西班牙實力唔使懷疑，不過分組賽就輸過畀另一支非洲球隊埃及，佢哋進攻力強，不過防守唔係特別穩陣，8強3比0贏日本，對手曾有入波因些微越位食詐胡，又有頭槌頂中柱，能保住首戰「零封」有唔少幸運成功，既然西班牙男奧足今屆4仗總入球都係全部3球或以上，捧入球大好路。

更多賠率：
https://bet.hkjc.com/football/odds/odds_allodds.aspx?lang=CH&tmatchid=50032173&mdate=2024-08-06