入「廠」2年6次受傷　「耶穌仔」變玻璃腳

【on.cc 東網 專訊】阿仙奴上場英超以2比0擊敗阿士東維拉，前鋒加比爾捷西斯並冇入選大軍名單，原來呢位27歲巴西國腳受到腹股溝傷患困擾，將接受磁力共振掃描檢查，未知幾時可以復出。

根據《德國轉會市場》統計，加比爾捷西斯由曼城轉投兵工廠2年以來，已經第6次受傷，其中4次膝傷，最嚴重係2022年12月至2023年3月，總共缺陣99日，此前5次因傷累積休息184日，至於今次要抖幾耐，仍然係未知之數。

「轉會權威」記者羅曼諾(Fabrizio Romano)指「耶穌仔」今次傷勢輕微，應該可以好快復出，輿論認為加比爾捷西斯已變「玻璃腳」，會方有必要簽入新前鋒，保持攻力提升爭標機會。