水晶宮中堅馬克古希（圖）合約出年完結，引起多間豪門注視。不過英國傳媒爆料，呢位24歲球星今夏唔會轉會住，選擇出年以自由身走人。
阿仙奴今夏希望簽入新中堅，作為威廉沙列巴同加比爾馬加希斯嘅替補，至於利物浦同樣想搵第3號中堅，「雙紅」目標直指馬克古希，水晶宮為免人財兩失，打算「割價」到4,000萬鎊。
不過傳媒消息指，馬克古希知道無論去阿仙奴或利物浦，都唔會係必然正選，佢唔想喺「世盃年」淪為後備，影響入選國家隊機會，所以「反高潮」繼續留喺水晶宮，等明年自由身先轉會。
