違反隔離令　阿根廷4將被FIFA罰停賽2場

最強博彩盤路過關神器《串績王》：http://win.on.cc/football/　

上年9月世盃外南美洲區外圍賽鬧劇，阿根廷作客巴西嘅大戰開波5分鐘，巴西衛生部門同警察即入場拉走4個違反檢疫令嘅球員，令比賽提前腰斬。國際足協(FIFA)周二(15日)宣布「巴阿大戰」將擇日重賽，而涉事嘅4名阿根廷球員就各被罰停賽2場。

4名球員為效力阿士東維拉嘅達米安馬天尼斯、貝安迪亞，同埋熱刺嘅基斯甸羅美路及盧施素(現被外借維拉利爾)，當時英國被巴西列為「紅色警示」地區，由英國入境嘅人要隔離14日，但呢4位英超球星就被指隱瞞資料，違反隔離令而喺球場內被捕。

FIFA判決下令「巴阿大戰」需要重賽，時間同地點會由FIFA決定，兩國足總亦各被罰款，至於4位主角球員就被罰停賽2場(國際賽事)。除此之外，巴西聯邦警察亦表示會對4名阿根廷球員，就提供假資訊進行調查。