尼曼查維迪教路　哈利馬古尼正確用法！

最強博彩盤路過關神器《串績王》：http://win.on.cc/football/　

曼聯中堅哈利馬古尼今季演出備受批評，不過仍然獲領隊蘭歷克投以信心一票，就算犯錯頻頻仍然都係每場正選上陣。前曼聯中堅尼曼查維迪日前就教路，依家用哈利馬古尼嘅正確方法，就係喺硬仗入面收起佢，留番對弱旅嗰陣先派佢上陣。

現年40歲嘅尼曼查維迪，喺2006年至14年間效力曼聯立功無數，可以話係曼聯近20年最佳中堅之一，對於哈利馬古尼嘅困境，呢位塞爾維亞名將表示：「每個球員都會有低潮期，馬古尼今季好明顯狀態差勁。我認為曼聯應該做嘅，係喺佢重拾信心之前，唔好再派佢踢硬仗，留番喺啲較容易應付嘅比賽先出佢，雖然呢類賽事(容易賽事)喺英超並唔多。」

至於尼曼查維迪昔日拍檔里奧費迪南，就指哈利馬古尼同碧基當年踢曼聯情況類似：「馬古尼喺英格蘭國家隊表現非常好，但踢曼聯就唔同晒，最大原因係踢法同球隊體系唔夾，就好似當年碧基喺曼聯，風格唔啱就係唔啱，如果碧基當年勉強留喺曼聯，就唔會有今日嘅成就。」