【官宣】馬里奧葛斯加盟法蘭克福

最強博彩盤路過關神器《串績王》：http://win.on.cc/football/　

馬里奧葛斯重返德甲！法蘭克福周三(22日)官方宣布，球隊成功向燕豪芬簽入前德國國腳馬里奧葛斯，呢位30歲中場同法蘭克福簽約3年，時隔2年後再戰德甲。

曾效力拜仁慕尼黑同多蒙特嘅馬里奧葛斯，成名作係2014年世盃決賽一箭定江山幫德國捧盃，不過球會發展未如理想，近2季踢荷甲勁旅燕豪芬，上陣77場有18個入波同18次助攻，新球季將會出戰歐聯嘅法蘭克福，就決定用400萬歐元轉會費將佢帶返德甲。

馬里奧葛斯簽約後表示：「我興奮加盟法蘭克福，呢間球會近年進步相當驚人，而且非常有雄心，由球場、球迷到呢個城市都好合我心水。我期待再喺德甲上陣，同埋出戰歐聯賽事。」法蘭克福上季拎到歐霸盃冠軍，新球季將出戰歐聯賽事。