視線轉移分心大法？人牆「露鳥」成熱話

最強博彩盤路過關神器《串績王》：http://win.on.cc/football/　

星期一(17日)哥倫比亞頂級聯賽，發生離奇兼香艷嘅一幕，一名聖達菲球員喺排人牆期間，公開拉開條波褲露出下體，疑似想令主射罰球者分心，事件引起球迷熱烈討論，而涉嫌「露體狂」球員就解釋自己只係無心之失。

呢場查古里斯科爾多瓦對聖達菲嘅賽事，比賽期間主隊獲得罰球，聖達菲球員排人牆期間，31歲中堅謝臣佩尼亞突然扯開波褲，將下體完全暴露出嚟，球迷認為佢係故意「露鳥」影響對手，結果負責主射嘅球員亦射唔入，不過聖達菲呢場波最終都輸1比2。

謝臣佩尼亞呢個舉動成為熱話，唔少球迷要求足總同聖達菲向佢作出處分，而當時球證因為睇唔到事件，亦冇作出任何行動，不過謝臣佩尼亞事後解釋：「我只係整理自己條波褲，完全冇意圖要露出下體，亦都唔知個電視鏡頭會影住我。」目前足總同聖達菲都未有任何紀律行動。