小心犯法！去卡塔爾要帶兩部手機

足球博彩神器，每日重心提供盡在《彩報》：http://win.on.cc/football/　

卡塔爾法例同世界其他地方好唔同，法國當局向球迷提出建議，去卡塔爾睇波最好帶兩部手機，以免誤墮法網而不自知。

法國信息技術及自由委員會提醒球迷，手機上有兩種應用程式喺卡塔爾屬於犯法，一種係網上賭博程式，另一種係約會程式，如果手機上有上述兩種應用程式，建議刪除先好入境，因為根據當地法例，上述應用程式涉及違法活動，違者將被判監及罰款。

不過最佳方法，就係帶兩部手機，平時用開嗰部收埋自己用，喺卡塔爾就用另一部手機，因為前往卡塔爾睇波，當地規定，到訪者手機上必須上載兩個應用程式，一個係世界盃官方程式，係用作進入球場時門票檢測，另一個係新冠肺炎疫情監測程式。

法國當局指出，上述兩個應用程式懷疑用作收集球迷數據、閱讀記錄及刪除內容，所以去卡塔爾嘅球迷要特別注意影相、拍片、對話內容，避免觸犯當地法例。