「Sam哥」救出12碼　墨西哥和波蘭

陳瀅Kylie C陪你喺《彩報》玩轉世盃：https://win.on.cc/football/　

世盃C組搶分戰，墨西哥激鬥波蘭。今場焦點係墨西哥「Sam哥」奧祖亞同波蘭「羅拔佬」羅拔利雲度夫斯基12碼對決，結果奧祖亞成功救出12碼，最終墨西哥0比0賽和波蘭，同組阿根廷跌落榜末。

上半場波蘭攻勢甚少，只得一次射門，羅拔利雲度夫斯基缺乏供應，難以發揮，墨西哥世盃經驗豐富，憑控球及小組踢法取得優勢，其中阿歷西斯域加一次頭槌僅僅斜出，右閘佐治山齊士亦有一次射門，但過唔到施捷斯尼十指關，半場踢成0比0。

易邊後波蘭表現有起色，羅拔利雲度夫斯基引球入禁區，被赫達摩蘭奴拉衫犯規，球證翻看VAR判罰12碼，「羅拔佬」親自操刀卻被「Sam哥」奧祖亞救出，墨西哥逃過一劫。最終雙方互無紀錄，踢成0比0平手。