三笘薰又獻絕殺　迪薩比多謝佢阿媽？

足球博彩神器，每日重心提供盡在《彩報》：http://win.on.cc/football/　

日本球星三笘薰近期人氣爆燈，繼英足總絕殺利物浦後，周日(5日)凌晨英超再獻絕殺，協助白禮頓主場1比0擊敗般尼茅夫，喺聯賽榜穩守第6位。白禮頓領隊迪薩比表明「永遠唔會換走三笘薰」，仲離奇公開多謝呢位日本國腳嘅阿媽！

白禮頓今場佔盡上風，全場控球率超過7成兼有20次攻門，不過面對般尼茅夫頑強抵抗，遲遲未能夠打破僵局，直到完場前3分鐘，三笘薰接應傳中球以佢唔係最擅長嘅頭槌頂入，亦係佢連續第3場比賽入波，為白禮頓全取3分。

白禮頓領隊迪薩比賽後表示：「三笘薰係個偉大球員，關鍵係佢阿媽！因為三笘薰遺傳咗天賦嘅才能，佢今場嘅表現唔係特別出色，但我永遠唔會將佢換走，因為只要三笘薰留喺球場，係知道佢任何時刻都有機會入波。」