熱刺班主願賣盤　叫價同曼聯睇齊

足球博彩神器，每日重心提供盡在《彩報》：http://win.on.cc/football/　

英超兩大豪門曼聯、利物浦都有賣盤計劃，另一支Big 6熱刺亦唔執輸，據報球會班主路易斯近日收到富商開價，但佢竟然獅子開大口叫價45億鎊，同曼聯傳聞中嘅賣盤價睇齊。

英國《每日郵報》報道，熱刺班主路易斯一直對賣盤持開放態度，美國富商納加菲有意出31億鎊提出收購，不過呢個計劃已第一時間被打沉，熱刺認為呢個價遠低於球會預期，形容31億鎊係「冇可能成事」。

報道指路易斯叫價達45億鎊，比起上年保利用42.5億鎊收購車路士價錢更高，要知道曼聯依家進行嘅賣盤計劃，市場預期成交價都係45億鎊左右，已經15年未贏過冠軍嘅熱刺竟然想同曼聯睇齊，相信交易難度會大大提升。