魯爾勁呀！皇馬B隊18場不敗升榜首

最強博彩盤路過關神器《串績王》：http://win.on.cc/football/　

前西班牙「金童」魯爾2018年重返皇馬，出任青訓梯隊教練，轉眼過咗5年，由佢領軍嘅皇家馬德里B隊今季成績理想，近期喺第3級聯賽Group1錄得18場不敗，強勢升上榜首，皇馬官方都發帖道賀。

45歲嘅魯爾本身係皇馬青訓產品，掛靴後回巢培育年輕球員，可以話係一種傳承，而且有評論指佢遲早會執教皇馬一隊，喺青訓系統執教係為將來入主皇馬做準備。由2019年開始佢接手皇馬B隊，成績保持平穩，執教首季喺第3級聯賽Group1排第7，第2季喺Group5 GroupA排第2，上季喺Group2排第10，今季係佢第4個球季。

皇馬B隊今季成績甚佳，24戰取得13勝9和2負，上仗2比0擊敗Linares後近18場不敗，暫以48分升上榜首，不過能否奪冠仲有一番激烈競爭，因為排第2嘅艾高干及第3位嘅拉科魯尼亞，僅落後榜首1分及2分，嚟緊兩個月係關鍵。