夏蘭特獲24小時全天候照顧　貴重過熊貓

足球博彩神器，每日重心提供盡在《彩報》：http://win.on.cc/football/　

曼城射手艾寧夏蘭特今季各項賽事已經為「藍月亮」轟入45球，成為史上單季最多入波嘅英超球員，領隊哥迪奧拿表示，會方有專人每日24小時全天候監測呢位22歲挪威國腳嘅身體狀況，確保佢處於最佳狀態，先至有現時成績。

哥迪奧拿話：「我唔知道夏蘭特效力多蒙特時期點樣做，總之曼城係對佢每日24小時進行照顧，我哋有優秀醫生同治療師每時每刻隨時候命。」據悉曼城醫療團隊每日全天候監測夏蘭特身體各種數據，確保一切情況正常。

中國「國寶」熊貓每日起居飲食都有專人照料，艾寧夏蘭特更加係每秒都有人睇住，難怪網民認為夏蘭特仲貴重過熊貓。