比克福特「貓紙」神準　貼中麥迪臣射中間

最強博彩盤路過關神器《串績王》：http://win.on.cc/football/　

愛華頓季尾如果可以護級成功，門將比克福特喺周二(2日)對李斯特城一仗勇救12碼，可能係關鍵一撲。有網民發現，原來比克福特水樽上已貼有「貓紙」，分析李斯特城12碼劊子手嘅習慣，而占士麥迪臣就被睇死會「射中間」，結果比克福特原地救出！

李斯特城喺完半場前呢個12碼，如果入咗就幾乎判愛華頓死刑，但比克福特選擇「唔郁」，原地擋出占士麥迪臣射門。電視台影到比克福特水樽上面，貼有占士麥迪斯、泰利文斯同占美華迪嘅12碼習慣分析，「貓紙」顯示占士麥迪臣有60%機會射中間，左面同右面各為20%，所以終極建議係「留喺中間」。

比克福特賽後風趣表示：「我諗占士麥迪臣平時冇玩Poker，今次佢上一堂啦！認真講我賽前做足功課，佢會預計我撲向一邊，所以我就扮晒要撲咁。」李斯特城領隊甸恩史密夫亦唔怪責占士麥迪臣：「佢喺球隊首席射手，比克福特選擇企定中間真係好少見，但呢啲事情總會發生。」