哈利卡尼勢上艦　熱刺睇中屈堅斯

最強博彩盤路過關神器《串績王》：http://win.on.cc/football/　

熱刺近日同皇馬代表見面，就哈利卡尼轉會進行談判，消息指雙方已達成原則性協議，等待細節傾妥就可落實，報道指熱刺已經搵定哈利卡尼嘅代替人選，睇中阿士東維拉前鋒奧尼屈堅斯。

西班牙記者Ramón Álvarez de Mon報道，熱刺同皇馬達成原則性協議，現時談判重點係轉會費，皇馬報價8000萬歐元+2000萬歐元，熱刺則希望收到1.3億歐元轉會費，雙方價錢仲有一段距離。

與此同時，《伯明翰郵報》爆料，熱刺已為哈利卡尼離隊做定準備，打算向維拉簽入奧尼屈堅斯填補中鋒空缺，27歲嘅奧尼屈堅斯同維拉仲有兩年約，維拉將會聽取熱刺報價再作決定。