安察洛堤告上法庭　向愛華頓索賠

最強博彩盤路過關神器《串績王》：http://win.on.cc/football/　

安察洛堤已經過檔皇馬兩季，佢上周五告上倫敦高等法院，向前球會愛華頓索取賠償，消息指金額高達200萬鎊。

《衞報》報道，安察洛堤上周五透過律師告上倫敦高等法院，內容涉及「一般商業合約及約定」，已獲倫敦高等法院嘅商業法庭列入審理名單。

今次官司未有披露更多細節，過去2年時間，有關肥安同愛華頓之間嘅糾紛傳足2年，肥安提告後，愛華頓暫時未有任何回覆。

自從安察洛堤離隊後，愛華頓連續兩季捲入降班漩渦，兩季都僥倖護級成功，近年佢哋有興建新球場嘅籌款計劃，有一定財政壓力，肥安此舉對愛華頓無疑係一大打擊。