阿仙奴清貨　一前一後冇得留低

最強博彩盤路過關神器《串績王》：http://win.on.cc/football/　

阿仙奴今夏重金簽入夏維斯、迪格蘭賴斯、祖利安添巴之餘，亦不忘清貨，準備出售前鋒巴洛根、門將馬特端納，其中美國國腳巴洛根好大機會周二(8日)轉投國際米蘭。

22歲巴洛根上季被外借去法甲球隊蘭斯，有出色表現，踢37場聯賽入21球，但仍然不獲兵工廠主帥阿迪達信任，將佢列入出售名單，國際米蘭收購韋斯咸前鋒施卡馬卡失敗之後，已轉為力斟巴洛根。

呢位射手近日喺社交網上載一張昔日巴西前鋒朗拿度效力國米時期嘅相片，似乎向國米示好，願意加盟呢支意甲勁旅，據悉國際米蘭同阿仙奴談判順利，有望周二(8日)達成交易協議。

另外，阿仙奴已同意出售後備門將馬特端納畀諾定咸森林，轉會費為700萬鎊(約7,000萬港元)，兵工廠跟住用會3,000萬鎊(約3億港元)收購賓福特門將大衞拉耶。