【多圖】美女與野獸　卡些度女友靚到爆

摩西斯卡些度以1.15億鎊(約11.4億港元)轉會費由白禮頓加盟車路士，成為英超史上最高身價球員，呢位21歲厄瓜多爾國腳唔止球場上事業創高峰，情場亦非常得意，女友Paola Salazar係模特兒，擁有天使面孔、魔鬼身材，被譽為英超最靚WAG(球星女伴)，摩西斯卡些度名副其實係人生大贏家。

摩西斯卡些度同22歲嘅Paola Salazar識於微時，兩人5年前已經相戀，當時呢位中場仲踢緊厄瓜多爾球隊迪華利獨立隊嘅青年軍，而且佢出身於貧窮家庭，身無分文，但仍然可以獲得Paola Salazar歡心，簡直係溝女高手。

不過，摩西斯卡些度對於戀情一直保持低調，直到近期因為天價上「車」，被傳媒起底，先至發現佢擁有一位絕色女友，令唔少網民同球迷非常羨慕，車路士球迷最開心，因為未來主場比賽日子，應該有唔少機會可以見到Paola Salazar。