榜首領放贏波即收 保地花高細盤好路
周中巴甲大戰，聯賽「1哥」保地花高作客阿美利加明尼路。保地花高目前一枝獨秀，不過爭標進入直路反而踢得保守，希望「保本」頂到季尾，成績一度出現不穩，近2仗防守改善下有起色，今仗作客相信繼續穩陣行先，博2.5球入球細係明智之選。（周四早上7時開賽）
巴甲進入最後3分1賽程，保地花高喺榜首仍有9分優勢，佢哋上個月曾經歷一波3連敗頹勢，似係領先太多令球員心態出現放鬆，不過近期似乎回復正常，上場作客2比0贏富明尼斯就踢出近期代表作，再次展示巴甲最強嘅防守力。保地花高近4仗總入球全開2球或以下，依家要爭冠軍，餘下賽事但求穩陣贏波擸3分。
阿美利加明尼路近況沉
主場嘅阿美利加明尼路近況差勁，連續5場聯賽未贏過，就算主場出擊都唔見得有起色，近2仗主場都「食白果」，分別輸0比1同0比2，今仗面對穩打穩紮嘅保地花高，相信會被對手睇住嚟食，開入球細機會甚高。
更多賠率：
