【多圖】麥湯米尼係溝女Goal手 女友靚爆鏡
曼聯中場麥湯米尼今季足球事業大反彈，由面臨被球會放棄，到依家成為紅魔鬼英超首席射手，有5球進帳。呢位蘇格蘭國腳唔止球場上威風八面，情場亦非常得意，早前同女友Cam Reading慶祝生日，上載多張相片「放閃」，網民紛紛讚好，話好羨慕麥湯米尼係人生贏家，球場內外都「入波」。
麥湯米尼同Cam慶祝生日當晚，兩人盛裝現身，Cam身穿低胸性感連身短裙，展現豐滿上圍及美腿，性感得來又端莊，充滿女人味。麥湯米尼將合照放上社交網話：「生日快樂，我的最愛。」引來網民紛紛留言，包括話：「球場內外都入波」、「做得好、叻仔」。
據悉麥湯米尼上年同Cam Reading撻着，迅速打得火熱，女方經常入場為男友打氣，兩人亦不時放合照到社交網晒恩愛，阿Cam嘅社交網帳戶Instagram有超過2萬「粉絲」，同麥湯米尼可以話係天生一對。