坦哈格末日已到？曼聯密斟沙維接手領軍

曼聯領隊坦哈格備受下台壓力，如果球隊再失利，隨時可能被炒，根據英國《每日郵報》爆料，以行政總裁貝拉達為首嘅4人代表團，上周四(17日)飛去西班牙巴塞隆拿，疑似密斟前巴塞教練沙維接手領軍。

據悉4人代表團前往巴塞隆拿，表面上為曼聯新股東拉特克利夫嘅帆船隊撐場，暗中可能順道接觸沙維，商討請佢執教嘅可能性。事實上，近年唔少西班牙籍主帥執教英超球隊都創出佳績，包括哥迪奧拿、阿迪達、艾美利，曼聯管理層認為沙維可以協助球隊重上顛峰。

呢位44歲少帥今夏離開巴塞隆拿之後，透露無意再執教西甲球隊，希望去其他歐洲聯賽搵食，就算接受曼聯邀請都唔出奇。