沙拿未續約死結曝光　要求3年約或2+1

埃及前鋒穆罕默德沙拿仍未與利物浦續約，日前發出「離隊機會多過留隊」宣言，據報雙方談判死結在於合約年期，沙拿要求3年或2+1合約，是續約最大障礙。

沙拿周薪為35萬鎊，要佢降薪機會好微，因為一年半前沙特豪門伊蒂哈德曾開價周薪500萬鎊天價邀請佢加盟，沙拿肯留低係利物浦「賺咗」，但依家佢要求續約3年，令利物浦相當為難。

據報利物浦嘅芬威體育集團已經向沙拿及其團隊明確表達希望留隊信息，只係開出3年長約風險太高，因而未有行動，不過雙方會一直保持聯繫，直至得出結果。