國際米蘭打入意盃8強　重遇「私房菜」

周五(20日)凌晨意大利盃16強壓軸戰，國際米蘭主場派出副選應戰，仍然以2比0輕取烏甸尼斯，晉級8強，將會對拉素，雙方剛於上輪意甲交鋒，國米大勝拉素6比0，意盃再遇呢支「私房菜」，贏波機會樂觀。

國際米蘭今仗幾乎收起所有主力，但都佔有明顯優勢，踢到30分鐘，把握對手回傳失誤，立即策動反攻，由35歲老將阿拿奧杜域射入打開紀錄。戰至上半場補時，中場阿沙拿尼開出角球直接彎入，拉開領先優勢至2比0。換邊後，國際米蘭控制大局，有所留力之下，維持勝果至完場。

意大利盃8強球隊全部誕，國際米蘭將會遇上拉素，雙方近5次對賽，國米取得4勝1和，教練施蒙尼恩沙基對於應付呢支前度執教球隊，非常有心得。至於另外3場8強，AC米蘭對羅馬、阿特蘭大對博洛尼亞、祖雲達斯斯對安玻里。