修咸頓搵到新帥　祖歷準備接手

修咸頓上場聯賽淨吞熱刺5蛋後，辭退主帥羅素馬田，暫時由助教西蒙魯斯做看守領隊，據報佢哋已經搵到新主帥，就係上月被羅馬炒魷嘅克羅地亞籍教頭祖歷，雙方已達成口頭協議，準備接手。

「轉會專家」羅曼諾報道，修咸頓已經聘任祖歷成為新領隊，並已經達成口頭協議，稍後簽約作實。

49歲嘅祖歷執教生涯主要在意大利，教過曼托華、克羅托內、熱拿亞、維羅納、拖連奴，今年9月中接替迪羅斯出任羅馬主教練，但於11初因成績太差被炒，依家初戰英超，接手排榜末嘅修咸頓，幫唔幫到手都係未知數。