愛華頓平庸 螳臂難擋「車」
英超「雙藍會」車路士作客硬撼愛華頓。車仔8連勝愈踢愈有，「拖肥糖」球員質素平庸，主要靠死守搶分，但所謂久守必失，寧買當頭起，一於捧車仔客勝。（Now 622周日晚10時直播）
講到英超現時最弗球隊，非車仔莫屬，佢哋連盃賽在內連贏8場，單計聯賽就5連勝，慢慢爬到上第2位。佢哋踢多1場下落後榜首利物浦2分，只要「紅軍」有乜依郁，隨時過榜首癮。今場左閘古古列拿同前鋒柏度尼圖雖要坐波監，但車仔勝在人多，加上高爾彭馬及安素費南迪斯等主力冇踢歐協聯，體力唔成問題。
愛華頓近5場錄得1勝3和1負，睇落幾硬淨，上場造訪阿仙奴就成功守和0比0，但最弊佢哋唔識入波，主帥戴治戰術太過保守，呢5場有4場交白卷，射手卡維特利雲自9月中對維拉入波後，已經3個月「食白果」，就算決心龜縮望攞1分，亦難頂踩行油嘅車仔，客勝咪錯過。
更多賠率：
