巴塞想平簽達雲紐尼斯　利物浦已拒絕

巴塞隆拿近期又有動作，據報該隊曾向利物浦探盤，斟介烏拉圭射手達雲紐尼斯，報價3,970萬鎊(約3.85億港元)，但已遭利物浦拒絕。

呢單料其實係利物浦高層爆番出嚟，巴塞向利物浦報價洽購達雲紐尼斯，該前鋒並非球隊常規主力，更多時候在盃賽登場，同利物浦合約到2028年6月，巴塞希望以較低價錢簽佢。

達雲紐尼斯於2022年夏天由賓菲加轉投利物浦，當年轉會費高達6,400萬鎊，如果所有浮動條款達標，最高可達8,500萬鎊，雖然嚟到「紅軍」後表現一般，係現時利物浦5大射手當中出場秩序排最尾，但都冇理由半價賣畀巴塞。