麥比奧莫想「升呢」　英超3豪門爭逐

賓福特今季成績差勁，不過喀麥隆前鋒麥比奧莫嘅表現就相當出色，今季已有10個入波同2次助攻，據報佢已成為1月轉會窗嘅搶手貨，曼聯、阿仙奴同紐卡素都有意將佢收歸旗下。

25歲嘅麥比奧莫效力賓福特第6季，協助球隊喺英冠升上英超，自從艾雲東尼夏天離隊，佢繼承一號攻擊手位置表現神勇，而且可踢右翼或前鋒，立即成為各大豪門爭奪目標。

麥比奧莫同賓福特只剩18個月合約，而佢早前亦表明希望尋求新挑戰：「我喺賓福特踢咗5年，佢哋幫我成長，冇錯我想去最好嘅球會、挑戰最高水平賽事，咁多大球會對我有興趣令人興奮，睇下之後點發展。」

曼聯喺魯賓艾摩廉上任後，打算重建鋒線，拉舒福特同約舒亞舒克斯都可能被賣走，需要新攻擊球員替補，至於阿仙奴就有布卡約沙卡重傷長抖，麥比奧莫位置上係最佳代替人選。