專業！曼城首席律師係阿仙奴球迷

曼城被控115項涉嫌違反英超規例指控一案，其首席律師潘尼克為曼城辯護期間，公開表示自己係阿仙奴季票持有者，不過據報佢一樣還一樣，喺呢單官司上會保持專業，仍然會全力保護曼城免受指控。

英國傳媒報道，曼城嘅首席律師潘尼克係阿仙奴球迷，而阿仙奴、曼聯、利物浦同熱刺等4間英超球會，已向有關方面提交法律通知，如果曼城最終被判定違反英超規例，4間球會將保留索取賠償權利。換句話說，曼城輸官司嘅話，對潘尼克所支持嘅球會阿仙奴有利。

不過潘尼克似乎唔會因為咁而放軟手腳，仍會盡力維護曼城權益，佢一直支持設立獨立足球監管機構，並為足球經理人辯護，仲話自己個仔正喺巴素利從事經紀工作。