艾華利斯全年上陣70場！曼城點解賣佢？

祖利安艾華利斯今季由曼城轉投馬體會後，表現繼續穩步向上，據報2024年佢全年上陣高達70場，從未因停賽及受傷缺陣，至今仍有球迷質疑，當初點解曼城要賣走佢。

蜘蛛仔在曼城期間並非必然主力，但每場都有一定上陣時間，上半年為曼城上陣26場，攻入7球，贏得英超冠軍，到夏天佢為阿根廷贏得美洲盃，之後又為阿根廷出戰巴黎奧運，嚟到馬體會，立即成為球隊主力，上陣26場攻入12球2助攻。

曼城今夏出售艾華利斯，獲得轉會費7,500萬歐元高價，但依家球隊走勢持續向下，艾寧夏蘭特進攻啞火都要焗住用，聯賽排名愈跌愈低，反觀艾華利斯喺西甲踢到識飛，依家高踞榜首，可見當日出售艾華利斯嘅決定真係錯晒。