曼聯年終排14位　慘中「實死」降班魔咒

曼聯近6場英超輸5場，排第14位結束2024年，根據OPTA統計，自從1992/93年球季英超成立以來，呢項賽事史上有4支年終排14位嘅球隊，該季降班收場，令人擔心紅魔鬼可能成為第5支「實死」降班球隊。

此前英超4支年終排14位兼最後降班嘅球隊，分別係紐卡素(2008/09)、般尼(2009/10)、諾域治(2013/14)、列斯聯(2022/23)。至於曼聯現時有22分在手，領先排尾三嘅葉士域治7分，雖然未有即時跌入降班區嘅危險，但以紅魔鬼目前頹勢，的確有機會捲入降班旋渦。

值得一提，曼聯12月各項賽事合共失18球，成為球隊自1964年3月之後，近60年單月最多失波紀錄，領隊魯賓艾摩廉必須盡快想辦法堵塞防線漏洞，否則真係有降班危機。