怪錯佢　一項數據證明般費係紅魔真靈魂

曼聯上場英超0比2不敵紐卡素，隊長般奴費南迪斯停賽無緣上陣，根據OPTA統計，呢位葡萄牙國腳近4次聯賽缺陣，紅魔鬼都冇波入，證明佢對於球隊進攻，發揮關鍵作用。

雖然般費今季英超只有4球進帳，但「含金量」甚高，包括作客曼城，射入12碼，協助球隊贏2比1，主場對車路士，亦有1球進帳，以及射入前4球隊諾定咸森林大門。另外，般奴費南迪斯今季英超仲有5次助攻。

般奴費南迪斯經常被球迷批評表現欠佳，兼喜歡埋怨隊友，但佢今場停賽，領隊魯賓艾摩廉搵舒亞舒克斯頂替其正選位置，結果徹底失敗，上半場33分鐘就換走呢位荷蘭國腳，證明隊內冇人可以取代般費。