遠水救近火？皇馬平價簽18歲中堅

皇馬今季備受防線傷兵問題困擾，2位主力後衞丹尼爾卡華積、艾達米列達奧都因傷提早收咧，當全世界以為「銀河艦隊」會簽入當打守將救亡時，會方卻選擇收購18歲小將拉米尼法迪，希望栽培佢為未來防線接班人。

皇馬僅花費10萬歐元(約82萬港元)轉會費，就成功從西甲護級球隊雷加利斯手上買到拉米尼法迪。呢位新星嘅父母來自非洲，佢喺西班牙出世，近年主要為雷加利斯青年軍比賽，踢法剛柔並濟，因而吸引皇馬注意，將佢收歸旗下。

拉米尼法迪加盟皇馬之後，將被安排踢B隊賽事，希望假以時日可以升上一隊幫手。