執教普茅7個月　朗尼過年前被炒

普利茅夫官方宣布，執教球隊僅7個月嘅前曼聯名將朗尼，不再擔任主教練。亦係朗尼繼年初被伯明翰辭退後，今年內第2度收大信封。

39歲嘅朗尼今年5月獲普利茅夫聘任為主教練，簽約3年，半季過去，球隊23戰4勝6和13負，排英冠榜末，下半季要為護級而戰。

普利茅夫近況奇差，近9場3和6負，包括被林柏特領軍嘅高雲地利大炒4比0，普利茅夫見隊波頹到咁，於是決定換帥。

朗尼執教經歷中，以首支領軍球隊打比郡成績最好，84場25勝21和38負，之後華盛頓聯隊都唔差，53場14勝13和26負，但執教伯明翰同普利茅夫就唔掂。