根夏粗暴行為　停賽2場兼罰款

英足總宣布，狼隊翼鋒馬菲奧斯根夏粗暴行為罪成，判罰停賽2場，兼罰款8萬鎊(約77萬港元)。

事發於12月中英超狼隊主場對葉士域治，葉士域治贏2比1，完場後馬菲奧斯根夏向對方工作人員作出粗暴行為，包括摘下對方一名工作人員眼鏡，以及有攻擊動作，全程拍晒片冇得抵賴，根夏承認指控，停賽兩場，下場英超對諾定咸森林，以及英足盃對布里斯托城都無緣上陣。

巴西翼鋒根夏係狼隊主力射手，今季聯賽上陣19場交出10入球4助攻，包括早前對曼聯攻入首個入球，佔全隊入球數字接近3分1，狼隊喺佢缺陣下攻力勢必受影響。