安東尼奧死過翻生首現身　證實唔會掛靴

韋斯咸前鋒米查利安東尼奧上月遇上嚴重車禍，經搶救後執返條命，呢位34歲前鋒周二(31日)出院過新年，佢亦喺「死過翻生」後首度露面，並且表明目標係重返球場，粉碎掛靴傳聞。

安東尼奧喺社交網貼上自己拎住拐杖相片，寫下新年感言：「每年呢個時間，我被問到有乜嘢要感恩嘅時間，我都搵唔到合適詞語。不過今年，我清楚知道要感恩嘅事，就係仍然活着！」

安東尼奧表示：「我咁多年來一直將生存當係理所當然，覺得一定會有第2日，但經歷嘅事情令眼界大開，感激上天畀力量同容許我繼續生存......新年快樂，我好快會重返足球場。」呢位牙買加國腳早前進行腳部骨折手術，預計要休息超過1年時間。